Витовт, Витаутас - Литваның ұлы князі (1392 - 1430). Литваның тәуелсіздігі үшін Польшаға қарсы күрескен. Мәскеу князьдерінің бірігу саясатына кедергі жасады. Витовт тұсында Литва иелігі Оканың жоғарғы ағысы мен Можайскіге дейін жетті. Алтын Орда ыдырағанда Оңтүстік Подольені қосып алып, иелігін Қара теңізге дейін кеңейтті. Витовт, Польша королі Ягайло 1410 жылы Алтын Орда ханы Жәлел әд-Дин бірлесе отырып, Грюнвальд шайқасында неміс рыцарьларын талқандады.