Бесік - баланы бөлейтін қастерлі мүлік. Оның жастық, мамық, жаялық, тартпа, түбек, шүмек, бесік жапқыш т.б. бөліктері мен бұйымдары болады.

Шатыр - жауыннан, ыстықта күн көзінен корғанатын жиналмалы баспана.

Жүк - сандық үстіне жиналған төсек-орын. Жүкжапқыш - жүк үстіне жабатын кестелі жапқыш.

Боқша - кітап немесе зат салатын, киізден немесе қалың матадан жасалған дорба.

Кірсалғыш - жеңіл бұйымдарды салып, кереге басына ілетін, матадан әшекейлеп жасаған бұйым.

Бөстек - қозы, тоқты терісінен жасалған төсеніш.

Жастық ағаш - жастық астына коятын ағаш мүлік.

Жастық - басқа жастайтын құс жүнінен жасалған мүлік.

Мамық - құс жүнінен жасалған жатын төсеніш.

Шыпта - ас тұратын жерді қалқалап қоятын ши.

Тулақ - босаға жаққа төселетін мал терісі.

От киіз - от басына, ошақ касына төселетін кесек киіз.

Талдырма - жұмсақтөсеніш киіз.

Сырмақ- киізден сырып жасалатын тұскиіз немесе төсеніш.

Көрпеше - бір адам отыратын шағын көрпе. 

Төсек көрпе - адамдар астына төсейтін көрпе. 

Көрпе - ішіне жүн, мақта салып, матадан тігілген жамылғы.

Шымылдық - ерлі-зайыптылардын жатарда тұсына ұстайтын, ақ матадан тігілген перде.

Алаша - ормекпен тоқылып, қосылатын кілемше. 

Текемет - түрлі түсті, ою-орнекті түр салып, киізден басылатын төсеніш.

Тұскиіз -тоқылған, жүннен басылған немесе матадан кестеленген керегеге ілетін кілемше. 

Кілем - жүннен тоқылатын бұйым.

Шабадан - ішіне көрпе, жастық, киім, бұйым салатын қалың матадан, киізден оюлап жасалған мүлік.

Төсекағаш - кереует.

Кебеже - өрнектеліп жасалған жәшіктің бір түрі. 

Жүкаяқ - сандық астына тұратын оюлы төрт аяқты ағаш.

Қобдиша - сандықтың кішкене түрі.

Жәшік - қақпақпен жабылатын төрт аяқты мүлік.

Жағлан - сыртын былғарымен қаптаған сандық түрі.

Сандыққап - көшкенде қажалмас үшін киізден жасалған жұмсақ қаптама.